പാലക്കാട്; ആരോഗ്യമന്ത്രി കെ.കെ. ശൈലജ  ഇന്ന്  അട്ടപ്പാടിയില്‍ വിവിധ ഊരുകള്‍ സന്ദര്‍ശിക്കും. രാവിലെ പത്തുമുതല്‍ സ്വര്‍ണപ്പിരിവിലും തുടര്‍ന്ന്  ഷോളയൂര്‍ പ്രാഥമികാരോഗ്യ കേന്ദ്രത്തിലുമെത്തുന്ന മന്ത്രി കേന്ദ്രത്തിന്റെ പ്രവര്‍ത്തനങ്ങള്‍ വിലയിരുത്തും. ചാളയൂര് ഊരിലും കോട്ടാത്താറ ട്രൈബല്‍ സ്‌പെഷ്യാലിറ്റി ആശുപത്രിയിലും മന്ത്രി സന്ദര്‍ശനം നടത്തും. ശേഷം അട്ടപ്പാടി അഹാഡ്‌സില്‍ മന്ത്രിയുടെ നേതൃത്വത്തില്‍ ബന്ധപ്പെട്ട ഉദ്യോഗസ്ഥരുടെ യോഗം നടക്കും.
മേഖലയിലെ അമ്മമാര്‍ക്കും കുട്ടികള്‍ക്കും ഗര്‍ഭിണികള്‍ക്കുമിടയില്‍ നിലവിലെ പോഷകാഹാര ലഭ്യതയെക്കുറിച്ചും മികച്ച ചികിത്സാ സൗകര്യങ്ങളെക്കുറിച്ചും നേരിട്ടന്വേഷിക്കുന്നതിനായാണ് മന്ത്രിയുടെ സന്ദര്‍ശന പരിപാടികള്‍.