കേരള ഗ്രാമീണ്‍ ബാങ്ക് അടക്കം രാജ്യത്തെ 56 റീജ്യണല്‍ റൂറല്‍ ബാങ്കുകളിലെ വിവിധ തസ്തികകളിലെ 16,560 ഒഴിവുകളിലേക്ക് അപേക്ഷ ക്ഷണിച്ചു. ഗ്രൂപ്പ് എ ഓഫിസര്‍ (ഗ്രേഡ് 1, 2, 3), ഗ്രൂപ്പ് ബി ഓഫിസ് അസിസ്റ്റന്റ് (മള്‍ട്ടി പര്‍പ്പസ്) തസ്തികകളിലേക്കുള്ള അഞ്ചാമത് പൊതു എഴുത്തുപരീക്ഷയ്ക്കാണ് ഇന്‍സ്റ്റിറ്റ്യൂട്ട് ഓഫ് ബാങ്കിങ് പേഴ്‌സണല്‍ സെലക്ഷന്‍ (ഐ.ബി.പി.എസ്)അപേക്ഷ ക്ഷണിച്ചത്. ആകെയുള്ള 16,560 ഒഴിവുകളില്‍ കേരള ഗ്രാമീണ്‍ ബാങ്കില്‍ മാത്രം 459 ഒഴിവുകളാണുള്ളത്.
www.ibps.in എന്ന വെബ്‌സൈറ്റിലൂടെ ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. യോഗ്യതയും മറ്റും സംബന്ധിച്ച വിശദ വിവരങ്ങള്‍ക്കും വെബ്‌സൈറ്റ് സനദര്‍ശിക്കുക.
അപേക്ഷിക്കാവുന്ന അവസാന തിയതി: സെപ്റ്റംബര്‍ 30.