കല്‍പ്പറ്റ: ശിഹാബ് തങ്ങള്‍ വനിതാ ശരീഅത്ത് കോളജില്‍ സ്‌നേഹ പൂര്‍വം സുപ്രഭാതം പദ്ധതി ആരംഭിച്ചു.
കമ്പളക്കാട് സ്വദേശിയും കല്‍പ്പറ്റ സ്വര്‍ണാഞ്ജലി ഗോള്‍ഡ് പാര്‍ട്ണര്‍ മാനേജറുമായ അബ്ദുറസാഖാണ് പത്രം സ്‌പോണ്‍സര്‍ ചെയ്തത്. കെ.എ നാസര്‍ മൗലവി പദ്ധതി വിശദീകരിച്ചു. ഇബ്‌റാഹിം ഫൈസി പേരാല്‍ അധ്യക്ഷനായി. കോളജ് ചെയര്‍പേഴ്‌സണ്‍ റിഫാന സമദിനു പത്രം നല്‍കി അബ്ദുറസാഖ് പദ്ധതി ഉദ്ഘാടനം ചെയ്തു. സി.എ സലീം മാസ്റ്റര്‍ സ്വാഗതവും ഇസ്മാഈല്‍ ദാരിമി നന്ദിയും പറഞ്ഞു.
എസ്.കെ.എസ്.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ നടത്തുന്ന ശംസുല്‍ ഉലമാ ഇസ്‌ലാമിക് അക്കാദമിയുടെ കീഴില്‍ 2010ലാണ് ശിഹാബ് തങ്ങള്‍ വനിതാ ശരീഅത്ത് കോളജ് ആരംഭിച്ചത്.
എസ്.എസ്.എല്‍.സിക്കു ശേഷം പ്ലസ് വണ്‍, പ്ലസ്ടു, ഡിഗ്രി ഉള്‍പ്പെടെ അഞ്ചു വര്‍ഷത്തെ കോഴ്‌സില്‍ ഖുര്‍ആന്‍, ഹദീസ്, ഫിഖ്ഹ് തുടങ്ങിയ ശരീഅത്ത് വിഷയങ്ങള്‍ കൂടി ഉള്‍പ്പെടുന്നതാണ് സിലബസ്.