തൊഴിയൂര്‍: സെപ്റ്റംബര്‍ 21 ലോക സമാധാന ദിനത്തോടനുബന്ധിച്ച് ദാറു റഹ്മ ഇസ്‌ലാമിക് ആന്‍ഡ് ആര്‍ട്ട്‌സ് കോളജ് വിദ്യാര്‍ഥികള്‍ പീസ് അസ്സംബ്ലി സംഘടിപ്പിച്ചു. ക്യാംപസ് ഗ്രൗണ്ടില്‍ നടന്ന അസ്സംബ്ലി സമാധാനത്തിന്റെ പ്രതീകങ്ങളായ വെള്ളരിപ്പ്രാവുകളെ പറത്തിക്കൊണ്ട് കോളജ് യൂനിയന്‍ പ്രസിഡന്റ് മുഹമ്മദ് തൗഫീഖും സെക്രട്ടറി ജംഷാദും ഉദ്ഘാടനം ചെയ്തു. വാഫി സ്റ്റുഡന്റ്‌സ് ഫെഡറേഷന്‍ സംസ്ഥാന ജോയിന്റ് സെക്രട്ടറി അസ്ഹറുദ്ദീന്‍ ചേലേമ്പ്ര സദസ്സിലെ മുഖ്യാതിഥിയായിരുന്നു. ലോകത്തിലുടനീളം നടക്കുന്ന അസമാധാന പരമായ പ്രവണതള്‍ക്കെതിരെയുള്ള ആദ്യ പടിയാണ് ഇത്തരത്തിലുള്ള അസ്ംബ്ലികളെന്ന് അദ്ദേഹം തന്റെ ആശംസാ പ്രസംഗത്തില്‍ അറിയിച്ചു. അസംബ്ലിയില്‍ കോളജ് യൂനിയന്‍ വര്‍ക്കിങ് സെക്രട്ടറി മുഹമ്മദ് ശാഫി അധ്യക്ഷനായി. കോളജ് ലീഡര്‍ അനസ് വിദ്യാര്‍ഥികള്‍ക്ക് സമാധാന പ്രതിജ്ഞ ചൊല്ലിക്കൊടുത്തു. റിസോഴ്‌സ് വിങ് ചെയര്‍മാന്‍ ഇംതിയാസ് പ്രാര്‍ഥനയും കണ്‍വീനര്‍ ജസീല്‍ നന്ദിയും നിര്‍വഹിച്ചു.