നേതാക്കളുടെ
വിവരശേഖരണവുമായി
പൊലിസ്
തലശ്ശേരി: തുടര്‍ച്ചയായി നടക്കുന്ന അക്രമങ്ങള്‍ തലശ്ശേരിയിലെ ജനങ്ങളുടെ ഉറക്കം നഷ്ടപ്പെടുത്തുന്നു. സി.പി.എം, ബി.ജെ.പി പ്രവര്‍ത്തകര്‍ തമ്മിലുള്ള രാഷ്ട്രീയ വൈര്യം വീടാക്രമണങ്ങളിലും ബോംബേറുകളിലും കലാശിക്കുകയാണ്. പൊലിസിന്റെ പിടിവിട്ടപോലൊണ് കാര്യങ്ങളുടെ പോക്ക്.
തലശ്ശേരി ഡിവൈ.എസ്.പിയുടെ നേതൃത്വത്തില്‍ ടൗണ്‍ പൊലിസ് സ്‌റ്റേഷനില്‍ സര്‍വകക്ഷി സമാധാനയോഗം ചേര്‍ന്നു മണിക്കൂറുകള്‍ പിന്നിടുമ്പോഴേക്കും വീണ്ടും അക്രമമുണ്ടായി. പാര്‍ട്ടി ഗ്രാമങ്ങളില്‍ സംഭരിച്ച ആയുധങ്ങള്‍ക്കും ബോംബുകള്‍ക്കുമായി വ്യാപകമായ തെരച്ചില്‍ പൊലിസ് നടത്തുന്നുണ്ടെങ്കിലും ഒന്നും ഫലപ്രദമാകുന്നില്ല. കോടിയേരി, എരഞ്ഞോളി, പിണറായി ഭാഗങ്ങളാണ് അതീവ സംഘര്‍ഷസാധ്യതാ പ്രദേശങ്ങളായി തുടരുന്നത്. അക്രമം നടന്നാല്‍ നേതാക്കളെ അറസ്റ്റു ചെയ്യുമെന്ന പൊലിസ് തീരുമാനത്തിനെതിരേ ഇരുപാര്‍ട്ടികളും രംഗത്തിറങ്ങിയത് പ്രശ്‌നങ്ങള്‍ കൂടുതല്‍ വഷളാക്കിയിട്ടുണ്ട്. പൊലിസ് നടപടി ഏകപക്ഷീയമാണെന്ന വിമര്‍ശനമാണ് ബി.ജെ.പി ഉയര്‍ത്തുന്നത്. പാര്‍ട്ടി ജില്ലാസെക്രട്ടറി എന്‍ ഹരിദാസിനെ വീടുവളഞ്ഞു കസ്റ്റഡിയിലെടുത്ത പൊലിസ് നടപടി തികച്ചും പക്ഷപാതപരമാണെന്നു ബി.ജെ.പി ജില്ലാ അധ്യക്ഷന്‍ പി സത്യപ്രകാശ് ആരോപിച്ചു. ഏകപക്ഷീയമായി സി.പി.എം ഒരുഭാഗത്ത് അക്രമം നടത്തുകയും മറുഭാഗത്ത് പൊലിസ് പക്ഷപാതപരമായി പെരുമാറുകയുമാണ് തലശ്ശേരിയില്‍ ചെയ്യുന്നതെന്നും അദ്ദേഹം കുറ്റപ്പെടുത്തി. എന്നാല്‍ തലശ്ശേരി മേഖലയിലെ പ്രാദേശിക നേതാക്കളുടെ വിവരം പൊലിസ് രഹസ്യമായി ശേഖരിച്ചുവരികയാണ്. നേരത്തെ കേസുകളില്‍ പ്രതിയായവരെകുറിച്ചും അന്വേഷിക്കുന്നുണ്ട്. തലശേരി മേഖലയില്‍ അക്രമം തുടരുകയാണെങ്കില്‍ മുന്‍കരുതല്‍ അറസ്റ്റുണ്ടായേക്കും.



പ്രവര്‍ത്തകരുടെ വീടുകള്‍ക്ക്
മുന്നില്‍ റീത്ത്
പാനൂര്‍: കൊളവല്ലങ്ങര്‍ പാലയങ്കണ്ടിയില്‍ ബി.ജെ.          പി പ്രവര്‍ത്തകന്റെയും കുന്നോത്ത് പറമ്പില്‍ സി.         പി.എം പ്രവര്‍ത്തകന്റെയും വീടുകള്‍ക്കു മുന്‍പില്‍ റീത്തുവച്ചു. പാലയങ്കണ്ടിയില്‍ ബി.ജെ.പി പ്രവര്‍ത്തകന്‍ കൃഷ്ണന്‍, കുന്നോത്തുപറമ്പില്‍ സി.പി.എം പ്രവര്‍ത്തകന്‍ പള്ളേരി വടക്കേതില്‍ രാജന്‍ എന്നിവരുടെ വീടുകള്‍ക്കു മുന്നിലാണ് റീത്ത് കാണപ്പെട്ടത്.

ഡി.വൈ.എഫ്.ഐ പ്രവര്‍ത്തകന്റെ വീടിനു ബോംബേറ്
തലശേരി: ന്യൂമാഹി ഓടത്തായികുന്നില്‍ ഡി.വൈ.എഫ്.ഐ നേതാവിന്റെ വീടിനു നേരെ ബോംബേറ്. കോടിയേരി സൗത്ത് വില്ലേജ് ജോയിന്റ് സെക്രട്ടറി ശരത് ശശിയുടെ വീടിനു നേരെയാണ് ഇന്നലെ പുലര്‍ച്ചെ ബോംബേറുണ്ടായത്. വീടിനു സമീപം വീണ് പൊട്ടിത്തെറിച്ച ബോംബിന്റെ ചില്ലുതെറിച്ച് വീടിന്റെ ജനല്‍പാളി തകര്‍ന്നു.






ആര്‍.എസ്.എസ് പ്രവര്‍ത്തകന്‍
അറസ്റ്റില്‍
ഇരിട്ടി: തില്ലങ്കേരിയില്‍ സി.പി.എം പ്രവര്‍ത്തകന്‍ ജിജോ സഞ്ചരിച്ച കാറിന് നേരെ ബോംബെറിഞ്ഞ കേസില്‍ ആര്‍.എസ്.എസ് പ്രവര്‍ത്തകന്‍ അറസ്റ്റില്‍. തില്ലങ്കേരി കുണ്ടരിഞ്ഞാലിലെ രതീശ(28)നെയാണ് പേരാവൂര്‍ സി.ഐ സുനില്‍ കുമാര്‍ അറസ്റ്റ് ചെയ്തത്. രതീശനു പുറമെ നാലു പേരെ പൊലിസ് തിരിച്ചറിഞ്ഞെങ്കിലും ഇതുവരെ പിടികൂടാനായിട്ടില്ല. ജിജോയെ ബോംബെറിഞ്ഞതിനു തൊട്ടുപിന്നാലെയാണ് ആര്‍.എസ്.എസ് പ്രവര്‍ത്തകന്‍ ബിനീഷിനെ കൊലപ്പെടുത്തിയത്.
















.







.



ന