കാസര്‍കോട്: ഭാഷാ വിരുദ്ധ നീക്കങ്ങളില്‍ നിന്നു സര്‍ക്കാര്‍ പിന്തിരിയണമെന്നു കെ.എ.ടി.എഫ്. സ്‌പെഷല്‍ കണ്‍വന്‍ഷന്‍ ആവശ്യപ്പെട്ടു. എം.കെ അലി മാസ്റ്റര്‍ ഉദ്ഘാടനം ചെയ്തു. ഭാഷാ വിരുദ്ധ നീക്കങ്ങള്‍ അവസാനിപ്പിക്കുക, റദ്ദാക്കിയ ഉത്തരവുകള്‍ പുനഃസ്ഥാപിക്കുക, എല്ലാ അധ്യാപകര്‍ക്കും ശമ്പളവും സംരക്ഷണവും ഉറപ്പാക്കുക, പാഠ പുസ്തക-യൂനിഫോം വിതരണം ഉടന്‍ പൂര്‍ത്തിയാക്കുക,  അറബിക് യൂനിവേഴ്‌സിറ്റി യാഥാര്‍ഥ്യമാക്കുക, പൊതുവിദ്യാഭ്യാസം സംരക്ഷിക്കുക എന്നീ ആവശ്യങ്ങള്‍ ഉന്നയിച്ചു കൊണ്ട് സെപ്റ്റംബര്‍ 28ന് ഡി.ഇ.ഒ ഓഫിസുകള്‍ക്കു മുന്നില്‍ ധര്‍ണ നടത്താനും യോഗം തീരുമാനിച്ചു. കാസര്‍കോട് ഡി.ഇ.ഒ ഓഫിസ് ധര്‍ണ ജില്ലാ പഞ്ചായത്ത് പ്രസിഡന്റ് എ.ജി.സി ബഷീറും കാഞ്ഞങ്ങാട് ഡി. ഇ .ഒ ഓഫിസ് ധര്‍ണ മുസ് ലീം ലീഗ് ജില്ലാ ജനറല്‍ സെക്രട്ടറി എം.സി ഖമറുദ്ദീനും ഉദ്ഘാടനം ചെയ്യും.
ജില്ലാ പ്രസിഡന്റ് പി മൂസക്കുട്ടി അധ്യക്ഷനായി.  മാഹി ചെര്‍ക്കള, യഹ്യാ ഖാന്‍ മഞ്ചേശ്വരം, അബ്ദുല്‍ ഗഫൂര്‍ നെല്ലിക്കുന്ന്, നൗഫല്‍ ഹുദവി, അന്‍ഫസ് നെന്മുണ്ട, പൈക്ക മുഹമ്മദലി, അന്‍വര്‍ അബ്ദുല്ല, സുലൈമാന്‍, അജില്‍ കുമാര്‍, ഇബ്രാഹിം, അലി അക്ബര്‍, മുഹമ്മദ് വടകര, സൈദലവി മൊഗ്രാല്‍പുത്തൂര്‍, അഫീസുര്‍ റഹ്മാന്‍ കോളിയടുക്കം സംസാരിച്ചു.