വാണിമേല്‍: റെയ്ഞ്ച് ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ ഒക്ടോബര്‍ രണ്ടിന് എസ്.ബി.വി സാരഥിസംഗമം നടത്താന്‍ പ്രവര്‍ത്തകസമിതി തീരുമാനിച്ചു. വാണിമേല്‍ സി.സി മുക്ക് മിശ്ക്കാത്തുല്‍ ഹുദാ മദ്‌റസയില്‍ നടക്കുന്ന പരിപാടിയില്‍ റെയ്ഞ്ച് പരിധിയിലെ മുഴുവന്‍ മദ്‌റസകളില്‍ നിന്നും തിരഞ്ഞെടുക്കപ്പെട്ട വിദ്യാര്‍ഥികള്‍ പങ്കെടുക്കും. യോഗത്തില്‍ റെയ്ഞ്ച് പ്രസിഡന്റ് അബ്ദുല്‍ സലാം ദാരിമി അടിവാരം അധ്യക്ഷനായി. കെ.എം കുഞ്ഞമ്മദ് മുസ്‌ലിയാര്‍, ശിഹാബുദ്ദീന്‍ ദാരിമി, മുഹമ്മദ് റഹ്മാനി, മുനീര്‍ ഫൈസി, അലി അസ്ഹരി, അലി മൗലവി ചേലമുക്ക്, നാസര്‍ ഫൈസി വയനാട്, എ.പി അബ്ദുല്ലക്കുട്ടി മുസ്‌ലിയാര്‍, അബ്ദുല്‍ റസാഖ് മുസ്‌ലിയാര്‍, എന്‍.കെ കുഞ്ഞബ്ദുല്ല മുസ്‌ലിയാര്‍ പങ്കെടുത്തു. സെക്രട്ടറി ഉണ്ണീന്‍ കുട്ടി മുസ്‌ലിയാര്‍ സ്വാഗതവും റഷീദ് മാസ്റ്റര്‍ പന്നൂര്‍ നന്ദിയും പറഞ്ഞു.