മുക്കം: കുമാരനെല്ലൂര്‍ നെല്ലിക്കുത്ത് ശാഖാ എസ്.കെ.എസ്.എസ്.എഫ് സില്‍വര്‍ ജൂബിലി ആഘോഷങ്ങള്‍ക്കു തുടക്കമായി. ഖിസ്സപ്പാട്ട് സംഘം സംസ്ഥാന ജന. സെക്രട്ടറി കെ.എന്‍.എസ് മൗലവി പരിപാടി ഉദ്ഘാടനം ചെയ്തു. നെല്ലിക്കുത്ത് മഹല്ല് പ്രസിഡന്റ് യൂനുസ് മാസ്റ്റര്‍ പുത്തലത്ത് അധ്യക്ഷനായി. മഹല്ല് ഖത്വീബ് സുദീര്‍ഖാന്‍ ഫൈസി പ്രാര്‍ഥന നടത്തി.
മെഗാ അവാര്‍ഡ്ദാനം അഡ്വ. എന്‍. ഷംസുദ്ദീന്‍ എം.എല്‍.എ നിര്‍വഹിച്ചു. എസ്.എസ്.എല്‍.സി, പ്ലസ്ടു പരീക്ഷകളിലും സമസ്ത പൊതുപരീക്ഷകളിലും ഉന്നത വിജയം നേടിയവര്‍, മതഭൗതിക രംഗത്തു മികവു തെളിയിച്ചവര്‍ എന്നിവര്‍ക്കുള്ള മര്‍ഹൂം ചെറുശ്ശേരി ഉസ്താദ്, പി. മുഹമ്മദ് മാസ്റ്റര്‍, കാക്കേങ്ങല്‍ സൈനുല്‍ ആബിദ് സ്മാരക എക്‌സലന്‍സി അടക്കമുള്ള അവാര്‍ഡുകള്‍ ചടങ്ങില്‍ വിതരണം ചെയ്തു.
ജില്ലാ പഞ്ചായത്ത് മെമ്പര്‍ സി.കെ കാസിം മുഖ്യാതിഥിയായി. വി. മോയിമോന്‍ ഹാജി, സലാം ഫൈസി മുക്കം, അബ്ദുല്ല കുമാരനെല്ലൂര്‍, കുഞ്ഞാലന്‍കുട്ടി ഫൈസി, ഒ.പി.എം അഷ്‌റഫ്, നൂറുദ്ദീന്‍ ഫൈസി മുണ്ടുപാറ, പി. അലി അക്ബര്‍, ഉമര്‍ ബാഖവി, നടുക്കണ്ടി അബൂബക്കര്‍, സുബൈര്‍ നെല്ലിക്കാപറമ്പ്, അംജദ് ഖാന്‍ റശീദി, നവാസ് ഓമശ്ശേരി, ഹുസൈന്‍ യമാനി, മജീദ് മുസ്‌ലിയാര്‍, ഫായിസ് ദാരിമി, സുല്‍ഫിക്കര്‍, നുഹുമാന്‍ കുമാരനെല്ലൂര്‍, ആഷിഖ് അലി ഇബ്രാഹീം സംസാരിച്ചു. തുടര്‍ന്ന് ബാദുഷ മഞ്ചേരിയുടെ നേതൃത്വത്തില്‍ ഇശല്‍ നൈറ്റും നടന്നു.