കോട്ടക്കല്‍: കണ്ടെയ്‌നര്‍ വാഹനം റോഡില്‍ കുടുങ്ങിയതിനാല്‍ സംസ്ഥാനപാത കോട്ടക്കല്‍-മലപ്പുറം റൂട്ടില്‍ മണിക്കൂറുകളോളം ഗതാഗതം തടസപ്പെട്ടു. ഇന്നലെ രാവിലെ എട്ടോടെയാണ് സംഭവം.
കോട്ടക്കല്‍ ഭാഗത്തുനിന്നെത്തിയ വാഹനം പുത്തൂര്‍ കഴിഞ്ഞു കൊളത്തൂപറമ്പില്‍ റോഡിലേക്കു ചാഞ്ഞ മരക്കൊമ്പിലിടിക്കുകയായിരുന്നു. ഇതോടെ വാഹനത്തിനു നീങ്ങാന്‍ പറ്റാത്ത സ്ഥിതിയായി.
ഗതാഗതവും തടസപ്പെട്ടു. തുടര്‍ന്നു മലപ്പുറത്തുനിന്നെത്തിയ ഫയര്‍ഫോഴ്‌സും പൊലിസും ചേര്‍ന്നാണ് തടസങ്ങള്‍ നീക്കിയത്.
വാഹനങ്ങള്‍ ആട്ടീരി കുഴിപ്പുറംവഴി തിരിച്ചുവിട്ടു. പന്ത്രണ്ടോടെയാണ് ഇതിലൂടെയുള്ള വാഹനഗതാഗതം സാധാരണനിലയിലായത്.