കരുളായി: പഞ്ചായത്തും കൃഷിഭവനും റെഡ്‌കോയും സംയുക്തമായി വിവിധ കോളനിയിലെ ആദിവാസി ഗ്രൂപ്പുകള്‍ക്ക് കാര്‍ഷിക യന്ത്രങ്ങള്‍ നല്‍കി. സബ് മിഷന്‍ ഓഫ് അഗ്രികള്‍ച്ചറല്‍ മെക്കനൈസേഷന്റെ ഭാഗമായിട്ടാണ് കരുളായി പഞ്ചായത്തിലെ നാട്ടിന്‍പുറത്തുള്ള പട്ടിക വര്‍ഗ വിഭാഗക്കാരുടെ കോളനികളില്‍ പ്രവര്‍ത്തിക്കുന്ന ഗ്രൂപ്പുകള്‍ക്ക് കാര്‍ഷിക യന്ത്രങ്ങള്‍ നല്‍കിയത്.
മുന്‍പ് വനത്തിനുള്ളിലെ നെടുങ്കയം, മു@ണ്ടക്കടവ് കോളനികളില്‍ ട്രാക്ടര്‍ ഉള്‍പെടെയുള്ള ഉപകരണങ്ങള്‍ ഇതേ പദ്ധതി പ്രകാരം നല്‍കിയിരുന്നു. കരുളായി കെ.എം സ്‌കൂളില്‍ സംഘടിപ്പിച്ച യന്ത്ര വിതരണ ചടങ്ങ് പഞ്ചായത്ത് പ്രസിഡന്റ് വി. അസൈനാര്‍ ഉദ്ഘടാനം ചെയ്തു. വൈസ് പ്രസിഡന്റ് കെ.ഷെരീഫ അധ്യക്ഷയായി.
പഞ്ചായത്ത് സ്ഥിരംസമിതി അധ്യക്ഷരായ കെ.മനോജ്, പി.സുനീര്‍, അംഗങ്ങളായ കദീജ ഉസ്മാന്‍, പി.എച്ച് ആയിശ, റെഡ്‌കോ നിലമ്പൂര്‍ മാനേജര്‍ പി.കെ സൈനബ സംസാരിച്ചു. കൃഷി ഓഫീസര്‍ ഡബ്ലിയു.ആര്‍ അജിത്ത് സിങ് ക്ലാസെടുത്തു. യന്ത്രങ്ങളുടെ ഉപയോഗിക്കുന്നതിനുള്ള പരിശീലനവും ഇവര്‍ക്ക് നല്‍കി.