കാളികാവ്: മൊബൈല്‍ ഫോണ്‍ ക്യാമറയിലെടുത്ത ഫോട്ടോകളുടെ പ്രദര്‍ശനം സംഘടിപ്പിക്കുകയും രാജ്യത്തിന്റെ വിവിധ ഭാഗങ്ങളിലായി 120 ഓളം പ്രദര്‍ശനങ്ങളൊരുക്കുകയും ചെയ്ത ഗിരീഷ് മാരേങ്ങലത്തിന് അംഗീകാരം.
കാളികാവ് ബസാര്‍ മാതൃകാ ഗവ. യു.പി സ്‌കൂള്‍ അധ്യാപകനായ ഗിരീഷ്മാരേങ്ങലത്തിന് ഇന്ത്യ ബുക് ഓഫ് റെക്കോര്‍ഡ്‌സിന്റ അംഗീകാരമാണ് ലഭിച്ചത്. 2007 ല്‍ ആരംഭിച്ച ഗിരീഷിന്റെ മൊബൈല്‍ ഫോണ്‍ ചിത്ര പ്രദര്‍ശനം ലിംക ബുക് ഓഫ് റെക്കോര്‍ഡ്‌സിന്റെ 2016 എഡിഷനിലും ഇടം പിടിച്ചിട്ടുണ്ട്. യാദൃശ്ചികവും കൗതുകം ഉണര്‍ത്തുന്നതുമായ ചിത്രങ്ങളാണ് കാഴ്ചക്കാരെ ആകര്‍ഷിക്കുന്നത്.
വന്യ ജീവികളുടെ ചിത്രവും മൊബൈല്‍ ഫോണില്‍ പകര്‍ത്തി കാഴ്ചക്കാരില്‍ എത്തിച്ചിട്ടുണ്ട്.