തിരൂര്‍: ക്ലീന്‍ ഈസ്റ്റ് അരിക്കാഞ്ചിറ പദ്ധതിയുടെ ഭാഗമായി 'നമുക്ക് വളരണം ആരോഗ്യത്തോടെ' എന്ന സന്ദേശമുയര്‍ത്തി നാട്ടുകൂട്ടം 2016 സംഘടിപ്പിച്ചു. ഒരാഴ്ച നീണ്ടുനിന്ന പരിപാടിയുടെ സമാപനപരിപാടി ജില്ലാ പഞ്ചായത്ത് അംഗം അനിതാ കിഷോര്‍ ഉദ്ഘാടനം ചെയ്തു.
വെട്ടം ഗ്രാമപഞ്ചായത്ത് അംഗം തങ്കമണി അധ്യക്ഷയായി. പദ്ധതി ഉദ്ഘാടനം തിരൂര്‍ ബ്ലോക്ക് പഞ്ചായത്ത് അംഗം വി.ഇ ലത്തീഫ് നിര്‍വഹിച്ചു. ശുചിത്വ മത്സരം, വിവിധ നാടന്‍ കലാപരിപാടികള്‍, പൂക്കള മത്സരം എന്നീ പരിപാടികള്‍ പദ്ധതിയുടെ ഭാഗമായി നടത്തിയിരുന്നു. പഞ്ചായത്ത് അംഗങ്ങളായ പി.കെ സൈനുദ്ദീന്‍, എ.പി സുനിത, വി.പി സുലൈഖ, ഹെല്‍ത്ത് ഇന്‍സ്‌പെക്ടര്‍ പി.ടി വിജയന്‍, പി കുഞ്ഞിമൂസ, എ ഇസ്മാഈല്‍, കെ.ടി മൊയ്തീന്‍കുട്ടി, സുനില്‍ പരിയാപുരം, ജൈസല്‍ വി, പ്രവീഷ് പി പങ്കെടുത്തു.