ചങ്ങരംകുളം: വര്‍ഷങ്ങളുടെ കാത്തിരിപ്പിനൊടുവില്‍ കോക്കൂര്‍ ഗവ. ഹയര്‍സെക്കന്‍ഡറി സ്‌കൂളിന് ചുറ്റുമതിലാകുന്നു. സാമൂഹ്യവിരുദ്ധരും കന്നുകാലികളും കയറുന്നത് മൂലം സ്‌കൂളും പരിസരവും വൃത്തികേടാകുന്നത് പതിവായിരുന്നു. മുന്‍ ജില്ലാപഞ്ചായത്ത് പ്രസിഡന്റ് സുഹറ മമ്പാട് സ്‌കൂള്‍ സന്ദര്‍ശിച്ചപ്പോള്‍ ചുറ്റുമതിലാത്തതിന്റെ പ്രയാസം ബോധ്യപ്പെടുത്തിയതിന്റെ അടിസ്ഥാനത്തില്‍ തുക അനുവദിച്ചിരുന്നു.
പിന്നീട് സാങ്കേതിക കാരണങ്ങളാല്‍ ഇത് വൈകി. ഈ പണികളാണ് ഇപ്പോള്‍ ആരംഭിച്ചിരിക്കുന്നത്. കഴിഞ്ഞ വര്‍ഷം സാമൂഹ്യവിരുദ്ധര്‍ സ്‌കൂളില്‍ അകത്തുകയറി അധ്യാപരുടെ മുറി കത്തിച്ച് ലക്ഷങ്ങളുടെ നഷ്ടം വരുത്തിയിരുന്നു.
ഇത്തരം സംഭവങ്ങള്‍ക്ക് കടിഞ്ഞാണിടാന്‍ ചുറ്റുമതില്‍ സഹായിക്കുമെന്ന പ്രതീക്ഷയിലാണ് അധ്യാപകരും നാട്ടുകാരും.