എടവണ്ണ: ഗുഡ്‌സ് ഓട്ടോ നിയന്ത്രണംവിട്ടു താഴ്ചയിലേക്കു മറിഞ്ഞു. അപകടത്തില്‍ ഡ്രൈവര്‍ക്ക് പരുക്കേറ്റു. കെ.എന്‍.ജി റോഡില്‍ കുണ്ടുതോട് ചളിരിങ്ങല്‍ വളവില്‍ ഇന്നലെ ഉച്ചയ്ക്ക് ഒന്നരയോടെയായിരുന്നു അപകടം.
കൊണ്ടോട്ടി പുളിക്കലില്‍നിന്നു എല്‍.ഇ.ഡി ബള്‍ബുകളുമായി നിലമ്പൂര്‍ ഭാഗത്തേക്കു പോകുകയായിരുന്ന എയ്‌സ് ഗുഡ്‌സ് ഓട്ടോയാണ് റോഡിലെ കുഴിയില്‍നിന്നു രക്ഷപ്പെടാന്‍ വെട്ടിക്കുന്നതിനിടെ നിയന്ത്രണംവിട്ടു സമീപത്തെ റബര്‍ തോട്ടത്തിലേക്കു തലകീഴായി മറിഞ്ഞത്.
അപകടത്തില്‍ ഡ്രൈവര്‍ പുളിക്കല്‍ സ്വദേശി ആലുങ്ങല്‍ ജിഷാ (20) നെ പരുക്കുകളോടെ എടവണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
എടവണ്ണ ഗ്രേഡ് എസ്.ഐ എന്‍.പി ഇബ്രാഹിമിന്റെ നേതൃത്വത്തിലുള്ള പൊലിസും ട്രോമാകെയര്‍ അംഗങ്ങളും രക്ഷാപ്രവര്‍ത്തനത്തിനെത്തി