പറവൂര്‍: പേ ഇളകിയ പശുവിനെ വിഷം കുത്തിവച്ചുകൊന്നു. പുത്തന്‍വേലിക്കര സ്റ്റേഷന്‍ കടവ് അക്കിച്ചിതുരുത്തില്‍ വേണുവിന്റെ പശുവിനെയാണ് കൊന്നത്.
ഒരു മാസം മുമ്പ് ഈ പ്രദേശത്ത് ഒന്‍പതു പേരെ തെരുവ് നായ കടിച്ചിരുന്നു. ഈ കൂട്ടത്തിലായിരിക്കും ഈ പശുവിനെയും കടിച്ചതെന്ന് കരുതുന്നു.
ബുധനാഴ്ച രാവിലെ ഉച്ചത്തില്‍ അമറുകയും വായില്‍ നിന്നും മൂക്കില്‍ നിന്നും നുരയും പതയും വരികയും കെട്ടിയിട്ട കയര്‍ പൊട്ടിക്കാനും ശ്രമിച്ചതോടെ പൊലിസിന്റെ നേതൃത്വത്തില്‍ വലിയം വടം കൊണ്ട് പശുവിനെ ബന്ധിച്ചു പിന്നീട് പറവൂരില്‍ നിന്നും വെറ്റനറി ഡോക്ടര്‍ വന്ന് കുത്തിവെച്ച് കൊല്ലുകയായിരുന്നു. എട്ട് മാസം ഗര്‍ഭിണിയായിരുന്നു പശു.