അട്ടപ്പാടി: അട്ടപ്പാടിയില്‍ ആദിവാസികള്‍ക്കു വിതരണം ചെയ്യാനായി കൊണ്ടുവന്ന പോഷകാഹാരത്തില്‍ പുഴുക്കള്‍. എഫ്.സി.ഐയില്‍നിന്നാണ് ഗോതമ്പ് കൊണ്ടുവന്നത്. പോഷകാഹാരമായി കൊണ്ടുവന്ന ഗോതമ്പിലാണ് പുഴുക്കളെ കണ്ടെത്തിയത്.



അഗളി താവളത്ത് അമൃതം ഫുഡ്‌സ് എന്ന കുടുബശ്രീ യൂണിറ്റില്‍ എത്തിച്ച ഒരു ലോഡ് ഗോതമ്പിലാണ് പുഴുക്കളെ കണ്ടെത്തിയത്. എട്ടു ടെണ്ണോളം വരുന്ന ഗോതമ്പാണ് ഉപയോഗശൂന്യമായത്.



പുഴുവരിച്ച ഗോതമ്പ് വിതരണം ചെയ്യാനാകില്ലെന്നു പറഞ്ഞ് കുടുംബശ്രീ മിഷന്‍  ഗോതമ്പ് ഏറ്റെടുത്തില്ല. ലോറി പിടിച്ചിടുകയും ചെയ്തു.



രണ്ടു ദിവസം മുന്‍പാണ് ഒലവക്കോട് എഫ്‌സിഐയില്‍നിന്ന് ഗോതമ്പു കൊണ്ടുവന്നത്. അംഗന്‍വാടികള്‍ വഴി പോഷക ആഹാര കുറവുള്ള കുട്ടികള്‍ക്ക് നല്‍കുന്നതിനു വേണ്ടിയാണ് ഗോതമ്പ് ഉപയോഗിക്കുന്നത്.