ജുനഗഡ്: ഗുജറാത്തിലെ ജുനഗഡില്‍ തന്നെക്കാള്‍ ഇരട്ടിവലിപ്പമുള്ള മ്ലാവിനെ വിഴുങ്ങിയ പെരുമ്പാമ്പ് ചത്തു. ഗിര്‍ വന്യജീവി സങ്കേതത്തിന് അടുത്തുള്ള ബലിയാവാദ് ഗ്രാമത്തിലാണ് സംഭവം. ഒരു കര്‍ഷകനാണ് വന്യജീവി സങ്കേതത്തിലെ അധികൃതരെ വിവരം അറിയിച്ചത്. അധികൃതര്‍ എത്തിയപ്പോഴേക്കും മൃഗത്തിനെ മുഴുവനായും പെരുമ്പാമ്പ് അകത്താക്കിയിരുന്നു. തുടര്‍ന്ന് പാമ്പിനെ പിടികൂടി കൂട്ടിലാക്കി. ഭക്ഷണം ദഹിച്ച ശേഷം പുറത്തുവിടുമെന്നാണ് അറിയിച്ചിരുന്നത്.
എന്നാല്‍ പാമ്പിന്റെ വയര്‍ അസാധാരണമായ നിലയില്‍ വീര്‍ത്തു വന്നു. ശരീരത്തിനകത്ത് ഉണ്ടായ മുറിവുകള്‍ കാരണമാണ് പാമ്പ് ചത്തതെന്നാണ് അധികൃതര്‍ പറയുന്നത്.