ചണ്ഡിഗഢ്: അജ്ഞാതരുടെ വെടിയേറ്റ് ചികിത്സയിലായിരുന്ന പഞ്ചാബിലെ മുതിര്‍ന്ന ആര്‍.എസ്.എസ് നേതാവ് ജഗദീഷ് ഗഗ്‌നേജ(68) മരിച്ചു. ഇന്നലെ രാവിലെ ലുധിയാനയിലെ ഹിറോ ഡി.എം.സി ഹാര്‍ട്ട് ആശുപത്രിയിലായിരുന്നു അന്ത്യം. ചികിത്സക്കിടെ വൃക്കകളെ ബാധിച്ച അണുബാധയാണ് മരണകാരണം.
പഞ്ചാബിലെ ആര്‍.എസ്.എസ് വൈസ് പ്രസിഡന്റായിരുന്നു. ഓഗസ്റ്റ് ആറിനാണ് ജലന്ധറിലെ ജ്യോതി ചൗക്കില്‍ ഇദ്ദേഹത്തിന് വെടിയേറ്റത്. ബൈക്കിലത്തെിയ അജ്ഞാത സംഘം നിരവധി തവണ വെടിയുതിര്‍ക്കുകയായിരുന്നു.