കോഴിക്കോട്: മദ്‌റസാധ്യാപന ശാക്തീകരണത്തിന്റെ ഭാഗമായി എസ്.കെ.ജെ.എം.സി.സി നടപ്പാക്കിയ തദ്‌രീബ് പദ്ധതിയുടെ വര്‍ക്ക് ബുക്ക് ആസ്പദമായി നടത്തുന്ന രണ്ടാംഘട്ട തദ്‌രീബ് പരീക്ഷ 25ന് ഉച്ചയ്ക്കു രണ്ടിനു കൊയിലാണ്ടി ബദ്‌രിയ്യ മദ്‌റസ, അരീക്കാട് അന്‍വാറുല്‍ ഇസ്‌ലാം മദ്‌റസ എന്നിവിടങ്ങളില്‍ നടക്കും. തിരുവള്ളൂര്‍, പയ്യോളി, ഉണ്ണികുളം, പാറക്കടവ്, കടമേരി, നന്തി, കക്കട്ട്, പാറപ്പള്ളി എന്നീ  റെയ്ഞ്ചുകളില്‍ നിന്ന് അപേക്ഷ നല്‍കിയവര്‍ക്ക് കൊയിലാണ്ടി ബദ്‌രിയ്യ മദ്‌റസയിലും താമരശ്ശേരി, ചെലവൂര്‍, കോഴിക്കോട് വെസ്റ്റ്, ഫറോക്ക്, മുക്കം, പാഴൂര്‍, ചെറുവാടി എന്നീ റെയ്ഞ്ചുകളില്‍ നിന്ന് അപേക്ഷ നല്‍കിയവര്‍ക്ക് അരീക്കാട് അന്‍വാറുല്‍ ഇസ്‌ലാം മദ്‌റസയിലുമാണ് പരീക്ഷാ സൗകര്യമൊരുക്കിയിട്ടുള്ളത്. പരീക്ഷാര്‍ഥികള്‍ ഹാള്‍ടിക്കറ്റുമായി കൃത്യസമയത്ത് എത്തണമെന്ന് ജില്ലാ കോഡിനേറ്റര്‍ പി. ഹസൈനാര്‍ ഫൈസി അറിയിച്ചു.