കോഴിക്കോട്: പക്ഷാഘാതത്തെ തുടര്‍ന്ന് ഡല്‍ഹി ഗംഗാറാം ആശുപത്രിയില്‍ ചികിത്സയില്‍ കഴിയുന്ന പ്രമുഖ ചിത്രകാരി മഹിജ ചന്ദ്രന് കേരള ലളിതകലാ അക്കാദമി സഹായധനം നല്‍കി. നാലു ലക്ഷം രൂപയാണ് നല്‍കിയത്. കേരള ലളിതകലാ അക്കാദമി ആദ്യം  നല്‍കിയ ഒരുലക്ഷം രൂപക്കു പുറമെ കലാകാരന്മാരില്‍ നിന്നും അഭ്യുദയകാംക്ഷികളില്‍ നിന്നുമായി ലഭിച്ച മൂന്നു ലക്ഷം രൂപയും ഭാരവാഹികള്‍ കഴിഞ്ഞദിവസം മഹിജയുടെ അമ്മ ആനന്ദഭായിയെ ഏല്‍പിച്ചു. കേരള  ലളിതകലാ അക്കാദമി ചെയര്‍മാന്‍ സത്യപാല്‍, സെക്രട്ടറി പൊന്ന്യം ചന്ദ്രന്‍ എന്നിവരാണ് ഡല്‍ഹിയിലെത്തി തുക കൈമാറിയത്.