അത്തോളി: പഞ്ചായത്ത് മുസ്‌ലിം ലീഗ് കമ്മിറ്റിയുടെ സഹകരണത്തോടെ അബുദാബി കെ.എം.സി.സി ബാലുശ്ശേരി-എലത്തൂര്‍ മണ്ഡലം സംയുക്ത കമ്മിറ്റി കൂമുള്ളിയില്‍ നിര്‍മിച്ചുനല്‍കിയ ബൈത്തുറഹ്മയുടെ താക്കോല്‍ദാനം കാപ്പാട് ഖാസി പി.കെ ശിഹാബുദ്ദീന്‍ ഫൈസി നിര്‍വഹിച്ചു. മുസ്‌ലിം ലീഗ് കുടുംബ സംഗമം പഞ്ചായത്ത് ലീഗ് ജനറല്‍ സെക്രട്ടറി ആയിനിപുറത്ത് അബ്ദുറഹ്മാന്‍ ഉദ്ഘാടനം ചെയ്തു.
കെ. അസീസ് അധ്യക്ഷനായി. പഞ്ചായത്ത് ലീഗ് പ്രസിഡന്റ് കാഞ്ഞിരോളി മുഹമ്മദ്‌കോയ മുഖ്യപ്രഭാഷണം നടത്തി.
ഗ്രാമപഞ്ചായത്ത് അംഗങ്ങളായ റംല പയ്യംപുനത്തില്‍, എ.എം സരിത, അബുദാബി കെ.എം.സി.സി ജനറല്‍ സെക്രട്ടറി എ.പി ബാദുഷ, ദലിത് ലീഗ് ജില്ലാ പ്രസിഡന്റ് വി.എം സുരേഷ് ബാബു, സിറാജ് എരമംഗലം, കെ.ടി.കെ ബഷീര്‍, കെ.ടി.കെ ഹമീദ്, എം.എം കോയ, റഈസുദ്ദീന്‍ വാഹിദ്, എന്‍.കെ റഫീഖ് സംസാരിച്ചു.