നാദാപുരം: പൊലിസ് നോക്കിനില്‍ക്കെ ഗതാഗതം തടസപ്പെടുത്തി എസ്.ഡി.പി.ഐയുടെ പ്രചാരണജാഥയും തെരുവുനാടകവും. നിരന്തരം ഗതാഗതക്കുരുക്കുണ്ടാകുന്ന കല്ലാച്ചി സംസ്ഥാന പാതയോരത്തായിരുന്നു പരിപാടി.
സാധാരണ ടൗണില്‍ നിന്നും തിരക്കൊഴിഞ്ഞ കോടതി റോഡിലാണ് പൊലിസ് പൊതുപരിപാടികള്‍ക്ക് അനുമതി നല്‍കാറുള്ളത്. എന്നാല്‍ ഇന്നലെ പൊലിസ് കാവലിലായിരുന്നു കല്ലാച്ചിയിലെ തിരക്കേറിയ ബസ് സ്റ്റോപ്പ് പരിസരത്തു പരിപാടി നടത്തിയത്. ഇതേതുടര്‍ന്ന് നാദാപുരംതൊട്ടില്‍പ്പാലം ഭാഗത്തേക്കുള്ള ഗതാഗതം താറുമാറായി.