മുക്കം: മോട്ടോര്‍ വെഹിക്കിള്‍ ഇന്‍സ്‌പെക്ടറുടെ നേതൃത്വത്തില്‍ ഇന്നലെ മുക്കത്തു നടത്തിയ മിന്നല്‍പരിശോധനയില്‍ നിയമം ലംഘിച്ച നിരവധി വാഹനങ്ങള്‍ പിടിച്ചെടുത്തു. സ്പീഡ് ഗവര്‍ണര്‍ ഉപയോഗിക്കാതെയും ടാക്‌സുകള്‍ അടക്കാതെയും എയര്‍ഹോണ്‍ നിയമങ്ങള്‍ പാലിക്കാതെയും ഓടുന്ന വാഹനങ്ങളാണ് പിടിച്ചെടുത്തത്. എം.വി.ഐ രജി ജോര്‍ജിന്റെയും അസിസ്റ്റന്റ് ആര്‍.എസ് ശങ്കറിന്റെയും നേതത്വത്തിലായിരുന്നു മിന്നല്‍പരിശോധന. വലിയ വാഹനങ്ങളുടെ എയര്‍ഹോണുമായി ബന്ധപ്പെട്ട് പരാതികളുയര്‍ന്നതിനെ തുടര്‍ന്നാണ് പരിശോധനകള്‍ ശക്തമാക്കിയത്.