താമരശ്ശേരി: എം.ഇ.എസ് സ്‌കൂള്‍ എജ്യുക്കേഷന്‍ ബോര്‍ഡ് നടത്തിയ സംസ്ഥാനതല ക്വിസ് മത്സരത്തില്‍ കുറ്റിപ്പുറം എം.ഇ.എസ് സ്‌കൂള്‍ ഓവറോള്‍ ചാംപ്യന്‍മാരായി.
കൈതപ്പൊയില്‍ എം.ഇ.എസ് ഫാത്തിമ റഹിം സെന്‍ട്രല്‍ സ്‌കൂളില്‍ നടന്ന മത്സരപരിപാടി കോഴിക്കോട് പ്രസ്‌ക്ലബ് പ്രസിഡന്റ് കമാല്‍ വരദൂര്‍ ഉദ്ഘാടനം ചെയ്തു. ഷമീല ഫസല്‍ പതാക ഉയര്‍ത്തി. എം.ഇ.എസ് എജ്യുക്കേഷന്‍ ബോര്‍ഡ് ചെയര്‍മാന്‍ ഇ.വി മോയിന്‍കുട്ടി അധ്യക്ഷനായി. എം.ഇ.എസ് ജില്ലാ പ്രസിഡന്റ് സി.ടി സക്കീര്‍ ഹുസൈന്‍ മുഖ്യപ്രഭാഷണം നടത്തി. പി.വി മഹ്മൂദ് ഹാജി, എ.ടി.എം അഷ്‌റഫ്, റഹീം ഫസല്‍, എം.പി.സി നാസര്‍, അബൂബക്കര്‍ മാസ്റ്റര്‍, എ.സി അസീസ്, പി. ജാഫര്‍, ആര്‍.കെ ഷാഫി, ബബ്‌ലുറഹിമാന്‍, കെ.കെ സഹീര്‍ മാസ്റ്റര്‍, യു.കെ മുഹമ്മദ്, പി. മൊയ്തു, മൊയ്തീന്‍കുഞ്ഞി, കെ.പി അബ്ദുറഹ്മാന്‍കുട്ടി, പി.എ അബ്ദുറഹ്മാന്‍, ഒ.കെ അഷ്‌റഫ്, നാസര്‍ പാലങ്ങാട് സംസാരിച്ചു. നൗഷാദ് അരീക്കോട് ക്വിസ് നിയന്ത്രിച്ചു.
സ്‌കൂള്‍ പ്രിന്‍സിപ്പല്‍ ജോസഫ് പുളിമൂട്ടില്‍ സ്വാഗതവും സെക്രട്ടറി കെ.എം.ഡി മുഹമ്മദ് നന്ദിയും പറഞ്ഞു.