മുക്കം: മുക്കം മുസ്‌ലിം അനാഥശാലയുടെ അറുപതാം വാര്‍ഷിക സമാപന പരിപാടികളുടെ സ്വാഗത സംഘം ഓഫിസ് ജോര്‍ജ് എം തോമസ് എം.എല്‍.എ ഉദ്ഘാടനം ചെയ്തു. വി. മോയിമോന്‍ ഹാജി അധ്യക്ഷനായി. എന്‍ജിനിയര്‍ അബ്ദുറഹിമാന്‍ അബൂദബി മുഖ്യപ്രഭാഷണം നടത്തി. പ്രജിത പ്രദീപ്, എ.ഇ മൊയ്തീന്‍ ഹാജി, വി. അബ്ദുല്ലക്കോയ ഹാജി, വി. മോയി, വി. ഉമ്മര്‍കോയ ഹാജി, വി. കുഞ്ഞാലി ഹാജി, വി. മരക്കാര്‍ മാസ്റ്റര്‍, എ.എം അഹമ്മദ് കുട്ടി ഹാജി, ഷാഫി ഹാജി, ഡോ. കെ അബുല്‍ ഗഫൂര്‍, എ.പി അബ്ദുറഹ്മാന്‍, വി. അബ്ദുറഹ്മാന്‍ സംസാരിച്ചു.
സമാപന സമ്മേളനത്തിന്റെ ഭാഗമായി നടന്ന വിളംബര ഘോഷയാത്രയില്‍ അനാഥശാലക്കു കീഴിലെ കീഴിലുള്ള സ്ഥാപനങ്ങളിലെ വിദ്യാര്‍ഥികളും ജീവനക്കാരും പങ്കെടുത്തു. എം.എ.ഒ സ്റ്റാഫ് സംഗമം, പൂര്‍വവിദ്യാര്‍ഥി സംഗമം, നാട്ടുകൂട്ടായ്മ, കലാ സാഹിത്യ മത്സരങ്ങള്‍, മാതൃസംഗമം, പ്രവാസി സംഗമം, മൈനോരിറ്റി സെമിനാര്‍, വിദ്യാഭ്യാസ സെമിനാര്‍, എമിറേറ്റ് റെഡ്ക്രസന്റ് കോണ്‍ഫ്രന്‍സ്, എക്‌സിബിഷന്‍, തുടങ്ങിയ പരിപാടികള്‍ തുടര്‍ദിവസങ്ങളില്‍ നടക്കും. അനാഥസംരക്ഷണത്തിലെ മികവിനു രണ്ടു തവണ രാഷ്ട്രപതിയുടെ അവാര്‍ഡ് തേടിയെത്തിയിട്ടുണ്ട്.