കണ്ണൂര്‍: സമസ്ത കേരള ജംഇയ്യത്തുല്‍ ഉലമ ജില്ലാ കമ്മറ്റിയുടെ കീഴില്‍ പാപ്പിനിശ്ശേരിയില്‍ പ്രവര്‍ത്തിക്കുന്ന ജാമിഅ അസ്അദിയ്യ സില്‍വര്‍ ജൂബിലി സമ്മേളനത്തിന്റെ വിജയത്തിനാവശ്യമായ പദ്ധതികള്‍ ആസൂത്രണം ചെയ്യുന്നതിന് ജില്ലയിലെ അഞ്ച് മേഖലകളില്‍ ഒക്ടോബര്‍ ഒന്നിന് മേഖലാ സംഗമങ്ങള്‍ സംഘടിപ്പിക്കുന്നു. സമസ്തയുടേയും പോഷക ഘടകങ്ങളുടേയും മേഖലാ ഭാരവാഹികളും നേതാക്കളുമാണ് പങ്കെടുക്കുന്നത്. ജില്ലാതല കോഓര്‍ഡിനേറ്റര്‍മാരായി എ.കെ അബ്ദുല്‍ ബാഖി, അഹമദ് തേര്‍ളായി എന്നിവരെയും മേഖലാ  കോഓര്‍ഡിനേറ്റര്‍മാരായി അബ്ദുസ്സമദ് മുട്ടം(പയ്യന്നൂര്‍), ഇബ്രാഹിം ബാഖവി പൊന്ന്യം (തലശ്ശേരി), കെ മുഹമ്മദ് ശരീഫ് ബാഖവി (കണ്ണൂര്‍), ബഷീര്‍ അസ്അദി നമ്പ്രം (ഇരിട്ടി), മുഹമ്മദ് ബിന്‍ ആദം(തളിപ്പറമ്പ്) എന്നിവരെ തിരഞ്ഞെടുത്തു.
കോഓര്‍ഡിനേറ്റര്‍മാരുടെ യോഗത്തില്‍ സ്വാഗത സംഘം ജനറല്‍ കണ്‍വീനര്‍ എസ്.കെ ഹംസ ഹാജി അധ്യക്ഷനായി. അബ്ദുസ്സമദ് മുട്ടം, എ.കെ അബ്ദുല്‍ ബാഖി, കെ മുഹമ്മദ് ശരീഫ് ബാഖവി, ബി യൂസുഫ് ബാഖവി, മുഹമ്മദ് ബിന്‍ ആദം, അബ്ദുല്‍ ഫത്താഹ് ദാരിമി, മനാഫ് അസ്അദി, സംസാരിച്ചു.