അഞ്ചരക്കണ്ടി: അഞ്ചരക്കണ്ടി മെഡിക്കല്‍ കോളജ് ജീവനക്കാരുടെ സമരപ്പന്തല്‍ പൊളിച്ചു മാറ്റിയതില്‍ പ്രതിഷേധിച്ചു. കഴിഞ്ഞ ദിവസം പുലര്‍ച്ചെയാണ് പന്തല്‍ പൊളിച്ചു മാറ്റിയത്. യൂനിയന്‍ നേതാക്കള്‍ ചക്കരക്കല്‍ പൊലിസില്‍ പരാതി നല്‍കി. മാനേജ്‌മെന്റിന്റെ ഒത്താശയോടെ സമരത്തെ തകര്‍ക്കാനുള്ള ശ്രമങ്ങളുടെ ഭാഗമാണിതെന്ന് ഭാരവാഹികള്‍ പറഞ്ഞു.
പ്രധിഷേധ സമരം എടക്കാട് ബ്ലോക്ക് പഞ്ചായത്ത് പ്രസിഡന്റ് എം.സി മോഹനന്‍ ഉദ്ഘാടനം ചെയ്തു. എന്‍.എം പുരുഷോത്തമന്‍, ടി കുമാരന്‍ സംസാരിച്ചു.