കാഞ്ഞങ്ങാട്: കണ്ണൂര്‍ സര്‍വ്വകലാശാല സി ഡി സോണുകളുടെ ഇന്റര്‍ കോളേജിയറ്റ് ബാഡ്മിന്റണ്‍ ചാമ്പ്യന്‍ഷിപ്പില്‍ വനിതാ വിഭാഗത്തില്‍ പയ്യന്നുര്‍ കോളജ്  ജേതാക്കളായി.  എളേരിത്തട്ട് ഗവ: കോളജിന് രണ്ടാം സ്ഥാനം സെന്റ് ജോസഫ്‌സ് കോളജ്  മൂന്നാം സ്ഥാനവും, എം.ഐ.സി കോളജ്  ചട്ടഞ്ചാല്‍ നാലാം സ്ഥാനവും കരസ്ഥമാക്കി. രാജപുരം സെന്റ് പയസ് ടെന്‍ത് കോളജ്  കായിക വിദ്യാഭ്യാസ വകുപ്പാണ് മത്സരങ്ങള്‍ക്ക് ആതിഥ്യം അരുളുന്നത്. പുരുഷ വിഭാഗത്തില്‍ പയ്യന്നൂര്‍ കോളജ്, എന്‍.എം.ഐ.ടി പറക്കളായിയെ പരാജയപ്പെടുത്തി സെമിയില്‍ പ്രവേശിച്ചു: എല്‍.ബി.എസ് കോളജ്  കാസര്‍കോടിനെ പരാജയപ്പെടുത്തി സെന്റ് ജോസഫ്‌സ് കോളജ്  പിലാത്തറയും സെമിയില്‍ കടന്നിട്ടുണ്ട്. മത്സരങ്ങള്‍ പ്രൊഫ. പി.രഘുനാഥ് ഉദ്ഘാടനം ചെയ്തു. രജ്ഞിത് കമല്‍ അധ്യക്ഷനായി.  ഇന്റര്‍സോണ്‍ മത്സരങ്ങള്‍ 24 ന് സ്‌പോര്‍ട്‌സ് കോംപ്ലക്‌സ് മാങ്ങാട്ട് പറമ്പില്‍ വച്ച് നടക്കും. ടീം സെലക്ഷനും 24 ന് നടക്കും.