മണ്ണാര്‍ക്കാട്: അഗളി ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂളിന് 1.27 കോടി രൂപ ചെലവില്‍ നിര്‍മിക്കുന്ന കെട്ടിടത്തിന്റെ നിര്‍മാണോദ്ഘാടനം അഡ്വ. എന്‍ ഷംസുദ്ദീന്‍ എം.എല്‍.എ നിര്‍വ്വഹിച്ചു. ജില്ല പഞ്ചായത്തംഗം സി രാധാകൃഷ്ണന്‍ അധ്യക്ഷനായി. സ്ഥല പരിമിതിയില്‍ വീര്‍പ്പുമുട്ടുന്ന സ്‌കൂളിന് പുതിയ കെട്ടിടം പണി പൂര്‍ത്തിയാവുന്നതോടെ പരിഹാരമാവും.
ബ്ലോക്ക് പഞ്ചായത്ത് വൈസ് പ്രസിഡന്റ് പി. ശിവശങ്കരന്‍, പഞ്ചായത്തംഗം ജെയ്‌സണ്‍ ജയിംസ്, പി.ടി.എ പ്രസിഡന്റ് ജി. ഷാജു, വി.എച്ച്.എസ്.സി പ്രിന്‍സിപ്പല്‍ കെ. ശാന്തി, പ്രധാനാധ്യാപിക ജി. ലത സംബന്ധിച്ചു. പ്രിന്‍സിപ്പല്‍ ഇന്‍ചാര്‍ജ്ജ് ഡി. ഹോമതല സ്വാഗതവും, സ്റ്റാഫ് സെക്രട്ടറി സിദ്ദീഖ് നന്ദിയും പറഞ്ഞു.