കുലുക്കല്ലൂര്‍: കുലുക്കല്ലൂര്‍ പഞ്ചായത്തില്‍ അനുവദിച്ച വിവിധ ക്ഷേമപെന്‍ഷനുകളുടെ വിതരണം പൂര്‍ത്തിയാക്കി. കുലുക്കല്ലൂര്‍ പഞ്ചായത്ത് പെന്‍ഷന്‍ മോണിറ്ററിങ് കമ്മറ്റിയുടെ മേല്‍നോട്ടത്തില്‍ കുലുക്കല്ലൂര്‍ പഞ്ചായത്ത് കാര്‍ഷിക സംഭരണ സംസ്‌കരണ വിപണന ക്രഡിറ്റ് സഹകരണ സംഘം വഴിയാണ് വീടുകളിലെത്തി വിവിധ ക്ഷേമപെന്‍ഷനുകള്‍ വിതരണം ചെയ്തത്.
2.5 കോടിരൂപ 3,400 പേര്‍ക്ക് വിവിധ പെന്‍ഷനായി. വിതരണം ചെയ്തതായി പെന്‍ഷന്‍ മോണിറ്ററിങ് കമ്മിറ്റി അറിയിച്ചു. മരണപ്പെട്ടവര്‍ക്ക് അനുവദിച്ചുവന്ന പെന്‍ഷന്‍തുക ആശ്രിതര്‍ക്ക് നല്‍കാന്‍ നടപടി സ്വീകരിക്കണമെന്നും മോണിറ്ററിങ് കമ്മിറ്റി യോഗം സര്‍ക്കാറിനോട് പ്രമേയത്തിലൂടെ ആവശ്യപ്പെട്ടു മോണിറ്ററിങ് കമ്മിറ്റി വൈസ്. ചെയര്‍മാന്‍ പി. മുഹമ്മദാലി അധ്യക്ഷനായി. തിരുത്തിയില്‍ മോഹനന്‍ റിപ്പോര്‍ട്ട് അവതരിപ്പിച്ചു.