പാലക്കാട്: ഒക്‌ടോബര്‍ ഒന്നു മുതല്‍ എട്ടു വരെ നടക്കുന്ന വന്യജീവി വാരഘോഷത്തിന്റെ ഭാഗമായി വനം വകുപ്പ് ജില്ലയിലെ വിദ്യാര്‍ഥികള്‍ക്കായി മത്സരങ്ങള്‍ സംഘടിപ്പിക്കുന്നു. വന്യജീവി സംരക്ഷണ സന്ദേശം പ്രചരിപ്പിക്കുക എന്ന ഉദ്ദേശത്തോടുകൂടി  ഒക്‌ടോബര്‍ രണ്ട്, മൂന്ന് തിയ്യതികളില്‍  പാലക്കാട് ഗവ. വിക്‌ടോറിയ കോളജിലാണ് മത്സരങ്ങള്‍.
എല്‍.പി, യു.പി വിഭാഗങ്ങള്‍ക്കായി പ്രകൃതിയേയും വന്യ ജീവികളെയും അടിസ്ഥാനമാക്കി പെന്‍സില്‍ ഡ്രോയിങ്, വാട്ടര്‍ കളര്‍ പെയിന്റിങ് എന്നീ ഇനങ്ങളിലും, ഹൈസ്‌കൂള്‍, കോളജ് വിദ്യാര്‍ഥികള്‍ക്കായി ക്വിസ്, ഉപന്യാസം, പ്രസംഗം, പെന്‍സില്‍ ഡ്രോയിങ്, വാട്ടര്‍ കളര്‍ പെയിന്റിങ് എന്നീ ഇനങ്ങളിലുമാണ്  മത്‌സരങ്ങള്‍.
ഒക്‌ടോബര്‍ രണ്ടിന്  രാവിലെ 9.30 മുതല്‍ 11.30 വരെ എല്‍.പി. യു.പി, ഹൈസ്‌കൂള്‍, കോളജ് വിഭാഗങ്ങള്‍ക്കുള്ള പെന്‍സില്‍ ഡ്രോയിങ് മത്‌സരവും 11. 45 മുതല്‍ 12. 45 വരെ  ഉപന്യാസ മത്‌സരവും, 2. 15 മുതല്‍ 4.15 വരെ എല്‍.പി. യു.പി, ഹൈസ്‌കൂള്‍, കോളജ് വിഭാഗങ്ങള്‍ക്കുള്ള വാട്ടര്‍ കളര്‍ പെയിന്റിങ് മത്‌സരവും നടക്കും. ഒക്‌ടോബര്‍ മൂന്നിന് രാവിലെ 10 മുതല്‍ ഒന്നു വരെ ഹൈസ്‌കൂള്‍, കോളജ് വിഭാഗങ്ങള്‍ക്കുള്ള ക്വിസ് മത്‌സരവും, രണ്ടു മുതല്‍ നാലു വരെ പ്രസംഗ മത്‌സരവും നടക്കും.
സര്‍ക്കാര്‍, എയ്ഡഡ്, അംഗീകൃത സ്വാശ്രയ കോളജുകളിലെ വിദ്യാര്‍ഥികള്‍ക്ക് സ്ഥാപന മേധാവികളുടെ സാക്ഷ്യപത്രം സഹിതം മത്സര ദിവസങ്ങളില്‍ രാവിലെ ഒന്‍പത് മുതല്‍ രജിസ്‌ട്രേഷന്‍ നടത്താം. മത്സര വിജയികള്‍ക്ക് ക്യാഷ് പ്രൈസും സര്‍ട്ടിഫിക്കറ്റുകളും വിതരണം ചെയ്യും. ഫോണ്‍: 8547603760, 8547603755, 8547603749, 04912555521.