തൃശൂര്‍: രാജ്യാഭിമാനം കാക്കുക, ആത്മാഭിമാനം ഉണര്‍ത്തുക എന്ന പ്രമേയത്തില്‍ മുസ്‌ലിം യൂത്ത് ലീഗ് ജില്ലാ സമ്മേളനം നാളെ വൈകിട്ട് 3.30ന് തൃശൂര്‍ മുണ്ടശേരി ഹാളില്‍ നടക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി സമ്മേളനം ഉദ്ഘാടനം ചെയ്യും. മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് മുഖ്യാതിഥിയായിരിക്കും. യൂത്ത് ലീഗ് സംസ്ഥാന പ്രസിഡന്റ് പി.എം സാദിഖലി മുഖ്യപ്രഭാഷണം നടത്തും.
ജില്ലാ പ്രസിഡന്റ് പി.എ അബ്ദുള്‍കരീം അധ്യക്ഷനാകും. മുസ്‌ലിംലീഗ് സംസ്ഥാന സെക്രട്ടറി കെ.എസ് ഹംസ, യൂത്ത് ലീഗ് സംസ്ഥാന ജനറല്‍ സെക്രട്ടറി സി.കെ സുബൈര്‍, മുസ്‌ലിം ലീഗ് ജില്ലാ പ്രസിഡന്റ് സി.എച്ച് റഷീദ്, ജനറല്‍ സെക്രട്ടറി ഇ.പി കമറുദ്ദീന്‍, ട്രഷറര്‍ എം.പി കുഞ്ഞിക്കോയതങ്ങള്‍, യൂത്ത് ലീഗ് സംസ്ഥാന സെക്രട്ടറി എം.എ സമദ്, പി.എ ഷാഹുല്‍ഹമീദ്, ജലില്‍ വലിയകത്ത്, എം.ജി രാജീവ്, ആഷിക് കടവല്ലൂര്‍, പി.എ അബ്ദുള്‍സലാം, സി.കെ അഷറഫലി, ശിവാനന്ദന്‍ പെരുവഴിപുറത്ത്, സി.എ അബ്ദുട്ടിഹാജി, കെ.കെ അഫ്‌സല്‍, മുഹമ്മദ് യൂസഫ് പടിയത്ത് എന്നിവര്‍ സംസാരിക്കും.