നെയ്യാറ്റിന്‍കര: നെയ്യാര്‍ മേളയോടനുബന്ധിച്ച് നെയ്യാറ്റിന്‍കര മുനിസിപ്പല്‍ സ്റ്റേഡിയത്തില്‍ ജൈവകൃഷി പരിശീലന സെമിനാര്‍ സംഘടിപ്പിച്ചു.
എന്‍.എസ്.അജയന്‍ അധ്യക്ഷനായി.  എന്‍.ആര്‍.സി.നായര്‍ (ഫ്രാന്‍) സ്വാഗതം  പറഞ്ഞു. ഐ.ആര്‍.ടി.സി. ട്രെയിനര്‍ സുരേഷ്‌കുമാര്‍ ക്ലാസെടുത്തു. തിരുവനന്തപുരം വിവ കള്‍ച്ചറല്‍ ഡവലപ്‌മെന്റ് ഓര്‍ഗനൈസേഷന്‍ പ്രവര്‍ത്തകരായ
വെള്ളറട ഗീത, എസ്.എന്‍ സുധീര്‍ എന്നിവരും സെമിനാറില്‍ സംബന്ധിച്ചു. മേളയോടനുബന്ധിച്ച് നെയ്യാറ്റിന്‍കര മുനിസിപ്പല്‍ സ്റ്റേഡിയത്തില്‍ ഇന്ന് കൂണ്‍ വളര്‍ത്തല്‍ സെമിനാര്‍ സംഘടിപ്പിക്കും.
ശാസ്ത്രീയമായി കൂണ്‍ വളര്‍ത്തുന്നതിനെക്കുറിച്ചും പരിപാലന രീതിയെപ്പറ്റിയും വിദഗ്ദ്ധര്‍ ക്ലാസ്സുകള്‍ നയിക്കും.