വെഞ്ഞാറമൂട്: നിയന്ത്രണംവിട്ട കാര്‍ റോഡരികിലെ വീട്ടിലേക്കു പാഞ്ഞു കയറി.
കാര്‍ഡ്രൈവര്‍ക്ക് പരുക്കേറ്റു. വീട്ടിനു മുന്നിലുണ്ടായിരുന്ന മതിലും വാഹനങ്ങളും തകര്‍ന്നു. ഇന്നലെ പുലര്‍ച്ചെ രണ്ടരക്ക് എം.സി റോഡില്‍ കീഴായിക്കോണത്തായിരുന്നു അപകടം.
തിരുവനന്തപുരത്ത് നിന്നും കിളിമാനൂരിലേക്ക്  പോവുകയായിരുന്ന കാര്‍ നിയന്ത്രണംവിട്ട് കീഴായിക്കോണം രുഗ്മയില്‍ സുധാകരന്‍ നായരുടെ
വീട്ടിലേക്ക് ഇടിച്ചു കയറുകയായിരുന്നു. കാര്‍ ഡ്രൈവര്‍ വെമ്പായം സ്വദേശി സമീറിനാണ് (18) പരുക്കേറ്റത്. ഇയാളെ വെഞ്ഞാറമൂട്ടിലെ സ്വകാര്യ മെഡിക്കല്‍ കോളജാശുപത്രിയില്‍ പ്രവേശിപ്പിച്ചു.
വീടിന്റെ മുന്‍വശത്തെ മതിലും വീട്ടിലുള്ളവരുടെ കാറും ബൈക്കും തകര്‍ന്നു.