കൊല്ലം: കേരള സര്‍ക്കാര്‍ ഫിഷറീസ് വകുപ്പ് സൊസൈറ്റി ഫോര്‍ അസിസ്റ്റന്റ് ടൂ ഫിഷര്‍ വുമണ്‍(സാഫ്) പദ്ധതിയില്‍ കരാര്‍ അടിസ്ഥാനത്തില്‍ മിഷന്‍ കോഓര്‍ഡിനേറ്റര്‍ തസ്തികയിലേക്ക് അപേക്ഷിക്കാം. മിഷന്‍ കോഓര്‍ഡിനേറ്റര്‍ (സോഷ്യല്‍ മൊബിലൈസേഷന്‍): യോഗ്യത എം എസ് ഡബ്ല്യൂവും തീരദേശപിന്നോക്ക വിഭാഗങ്ങളിലെ സേവന പദ്ധതികളില്‍ പ്രവര്‍ത്തിച്ചിട്ടുള്ള ഒരു വര്‍ഷത്തെ പരിചയം അല്ലെങ്കില്‍ ബിരുദവും അഞ്ചു വര്‍ഷത്തെ തീരമൈത്രി പദ്ധതിയിലുള്ള മുന്‍പരിചയവും കമ്പ്യൂട്ടര്‍ പരിജ്ഞാനവും. പ്രായപരിധി 40 വയസ്. മിഷന്‍ കോഓര്‍ഡിനേറ്റര്‍ (ബിസിനസ്): യോഗ്യത എം ബി എ യും  ചെറുകിട ബിസിനസ് നിയന്ത്രിച്ചതിലുള്ള ഒരു വര്‍ഷത്തെ മുന്‍പരിചയവും കമ്പ്യൂട്ടര്‍ പരിജ്ഞാനവും. പ്രായപരിധി 35 വയസ്. രണ്ടു തസ്തികള്‍ക്കും ടൂ വീലര്‍ ലൈസന്‍സ് അനുപേക്ഷണീയം. അപേക്ഷ 30നകം ഡെപ്യൂട്ടി ഡറക്ടര്‍, ഫിഷറീസ് വകുപ്പ്, സിവില്‍ സ്റ്റേഷന്‍ കൊല്ലം എന്ന വിലാസത്തില്‍ നല്‍കണം.വിവരങ്ങള്‍ക്ക് 0474 2792850.