ചങ്ങനാശ്ശേരി: മുനിസിപ്പാലിറ്റിയിലെ 22-ാം വാര്‍ഡില്‍ അനുവദിച്ചിരുന്ന അഞ്ചാം നമ്പര്‍ റേഷന്‍ ഡിപ്പോ നടത്തുന്നതിന് വനിതകള്‍ക്ക് അപേക്ഷിക്കാം. നിശ്ചിത മാതൃകയിലുളള അപേക്ഷകള്‍ ബന്ധപ്പെട്ട രേഖകള്‍ സഹിതം ഒക്‌ടോബര്‍ 20 വൈകിട്ട് മൂന്നിനകം ജില്ലാ സപ്ലൈ ഓഫിസില്‍ കിട്ടത്തക്കവിധം രജിസ്‌ട്രേഡ് തപാലില്‍ അയയ്ക്കുകയോ സീനിയര്‍ സൂപ്രണ്ടിനെ നേരിട്ട് ഏല്‍പ്പിക്കുകയോ ചെയ്യണം.
ഉപന്യാസ മത്സരം 28ന്
കോട്ടയം: സംസ്ഥാന സര്‍ക്കാര്‍ 100 ദിനം പൂര്‍ത്തിയാക്കിയതിന്റെ ഭാഗമായി   ഇന്‍ഫര്‍മേഷന്‍- പബ്ലിക് റിലേഷന്‍സ് വകുപ്പ് ജില്ലയിലെ കോളജ് വിദ്യാര്‍ഥികള്‍ക്കായി 28ന് ഉപന്യാസ മത്സരം നടത്തുന്നു.   27നു വൈകിട്ട് അഞ്ചു വരെ ഫോണിലോ ഇ-മെയില്‍ മുഖേനയോ രജിസ്റ്റര്‍ ചെയ്യാം. രജിസ്റ്റര്‍ ചെയ്യുന്ന വിദ്യാര്‍ഥികള്‍ കോളജ് പ്രിന്‍സിപ്പലിന്റെയോ വകുപ്പു മേധാവിയുടെയോ സാക്ഷ്യപത്രം സഹിതം  28നു രാവിലെ 10ന്  സി.എം.എസ് കോളജ് ഗ്രേറ്റ് ഹാളില്‍ എത്തിച്ചേരണം. രജിസ്റ്റര്‍ ചെയ്യേണ്ട നമ്പര്‍ 0481 2562558, ഇ-മെയില്‍- ുൃറസ്യോ@ഴാമശഹ.രീാ.
മേഖലാ യോഗവും അലവന്‍സ് വിതരണവും
ഈരാറ്റുപേട്ട: ദഷിണകേരള ലജ്‌നത്തുല്‍ മു അല്ലീമീന്‍ മേഖലാ യോഗവും അലവന്‍സ് വിതരണവും സംസ്ഥാന വൈസ്പ്രസിഡന്റ് വി.പി.എം സുബൈര്‍ മൗലവി ഉദ്ഘാടനം ചെയ്തു. പെരുന്നാള്‍ അലവന്‍സ് വി.പി.എ ഹമീദ് വിതരണം ചെയ്തു. എന്‍.എച്ച്.എം അഷറഫ് മൗലവി, മുഹമ്മദ് നിയാസ്ഖാന്‍ നജ്മി എന്നിവര്‍ പ്രസംഗിച്ചു.