ഏറ്റുമാനൂര്‍: അതിരമ്പുഴ സെന്റ് അലോഷ്യസ് ഹയര്‍ സെക്കന്‍ഡറി സ്‌കൂള്‍ കേരള ശാസ്ത്ര സാങ്കേതിക പരിസ്ഥിതി കൗണ്‍സിലിന്റെ സഹകരണത്തോടെ നടത്തുന്ന ഓസോണ്‍ പക്ഷാചരണത്തിന്റെ ഭാഗമായുള്ള ഹരിതവല്‍ക്കരണം പദ്ധതിയുടെ ഭാഗമായി വൃക്ഷതൈകള്‍ നട്ടു. അതിരമ്പുഴ സര്‍വ്വീസ് സഹകരണ ബാങ്ക് പ്രസിഡന്റ് കെ.പി.ദേവസ്യ ഉദ്ഘാടനം ചെയ്തു.
ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്റ് പി.വി.മൈക്കിള്‍, ജയിംസ് കുര്യന്‍, സഞ്ജിത് പി ജോസ്, ബെറ്റ്‌സി പി വര്‍ഗീസ് തുടങ്ങിയവര്‍ പ്രസംഗിച്ചു.
സാബു മാത്യുവിന്റെ അധ്യക്ഷതയില്‍ നടന്ന  പരിസ്ഥിതി സംരക്ഷണസെമിനാര്‍ ഫാ.സോജി ചക്കാലയ്ക്കല്‍ ഉദ്ഘാടനം ചെയ്തു. ഇന്ന്  നടക്കുന്ന സമാപന സമ്മേളനത്തില്‍ എം.ജി.യൂനിവേഴ്‌സിറ്റി ഫിസിക്‌സ് വിഭാഗം മേധാവി ഡോ.കെ.ഇന്ദുലേഖ ഓസോണ്‍ സംരക്ഷണ സന്ദേശം നല്‍കും. സുരേഷ്‌കുറുപ്പ് എം.എല്‍.എ സമ്മാനദാനം നിര്‍വ്വഹിക്കും.