കൊല്ലം: വിദേശമദ്യ വില്‍പന നടത്തി വന്നയാളെ  കൊല്ലം ഈസ്റ്റ് പൊലിസ് അറസ്റ്റു ചെയ്തു. കൊല്ലം ഈസ്റ്റ് വില്ലേജില്‍ പുള്ളിക്കട പുതുവല്‍ പുരയിടത്തില്‍ സുരേഷ് (45) ആണ്  പിടിയിലായത്.
ഇയാളില്‍ നിന്നും വില്‍പനയ്ക്കായി സൂക്ഷിച്ചിരുന്ന ആറ് കുപ്പി വിദേശമദ്യം പിടിച്ചെടുത്തു.കൊല്ലം എ.സി.പി ജോര്‍ജ് കോശി, കൊല്ലം ഈസ്റ്റ് സി.ഐ മജ്ഞുലാല്‍, ഈസ്റ്റ് എസ്.ഐ എസ് ജയകൃഷ്ണന്‍, അഡീ. എസ്.ഐ എന്‍ പ്രകാശന്‍, സിറ്റി സ്‌ക്വാഡിലെ അംഗങ്ങളായ എസ്.ഐ ബാബുകുമാര്‍, എ.എസ്.ഐ ജോസ് പ്രകാശ്, സി.പി.ഒ ഹരിലാല്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.