കൊല്ലം: പാളത്തില്‍ വിള്ളല്‍ കണ്ടെത്തിയതിനെ തുടര്‍ന്ന് തിരുവനന്തപുരം റൂട്ടില്‍ ട്രെയിന്‍ ഗതാഗതം തടസപ്പെട്ടു. കൊല്ലം വര്‍ക്കലക്കും ഇടവക്കും മധ്യേയാണ് പാളത്തില്‍ വിള്ളല്‍ കണ്ടെത്തിയത്. ട്രെയിനുകള്‍ വര്‍ക്കലയില്‍ പിടിച്ചിട്ടിരിക്കുകയാണ്.

കഴിഞ്ഞ തിങ്കളാഴ്ച കരുനാഗപ്പള്ളിയില്‍ കല്ലുകടവ് ഓവര്‍ബ്രിഡ്ജിന് സമീപം 'എസ്' വളവില്‍ തമിഴ്‌നാട് മീളവട്ടത്തു നിന്ന് കോട്ടയത്തേക്കു പോവുകയായിരുന്ന ചരക്ക് ട്രെയിന്‍ പാളം തെറ്റിയിരുന്നു. ട്രെയിനിന്റെ 21 വാഗണുകളാണ് പാളം തെറ്റിയത്.