മനാമ: പ്രമുഖ വാഗ്മിയും യുവ പണ്ഡിതനുമായ ഉസ്താദ് മുഹമ്മദ് ഹൈതമി വാവാട് ബഹ്‌റൈനിലെത്തി. സമസ്ത കേരള സുന്നീ ജമാഅത്ത് ബഹ്‌റൈന്‍ കേന്ദ്രകമ്മറ്റി സംഘടിപ്പിക്കുന്ന മത വിജ്ഞാന സദസ്സില്‍ അദ്ദേഹം പ്രഭാഷണം നടത്തും.

ഇന്ന് രാത്രി (23/9/17) 8:30ന് മനാമ ഗോള്‍ഡ്‌സിറ്റിയിലെ സമസ്ത ഓഡിറ്റോറിയത്തില്‍ നടക്കുന്ന പരിപാടിയില്‍ 'അനുഗ്രഹങ്ങള്‍ വിസ്മരിക്കപ്പെടുമ്പോള്‍' എന്ന വിഷയത്തിലാണ് അദ്ദേഹം പ്രഭാഷണം നടത്തുക.
 
മതപ്രഭാഷണവേദികളിലെ ശ്രദ്ധേയ വ്യക്തിത്വമായ ഉസ്താദ് സൂഫീവര്യനും പ്രമുഖ പണ്ഡിതനുമായ വാവാട് കുഞ്ഞിക്കോയ മുസ്‌ലിയാരുടെ മകനാണ്.

പ്രഭാഷണ ചടങ്ങില്‍ സമസ്ത ബഹ്‌റൈന്‍ വൈസ്പ്രസിഡന്റ് അത്തിപ്പറ്റ സൈതലവി മുസ്‌ലിയാര്‍ അധ്യക്ഷത വഹിക്കും. സമസ്ത ബഹ്‌റൈന്‍ നേതാക്കളും പണ്ഡിതരും സംബന്ധിക്കും. പ്രഭാഷണം ശ്രവിക്കാന്‍ സ്ത്രീകള്‍ക്ക് പ്രത്യേക സൗകര്യം ഉണ്ടായിരിക്കുന്നതാണ്.