സുള്ള്യ /കാഞ്ഞങ്ങാട്: ജുമുഅ നിസ്‌കാരം കഴിഞ്ഞ് മടങ്ങുകയായിരുന്ന മധ്യവയസ്‌കനെ വെട്ടിക്കൊലപ്പെടുത്തി. സുള്ള്യ താലൂക്ക് പഞ്ചായത്ത് മുന്‍മെംബറും, കോണ്‍ഗ്രസ് വനിതാ നേതാവുമായ വാഹിദയുടെ ഭര്‍ത്താവായ ഇസ്മായില്‍ നെല്യമജലു (45)വാണ് കൊല്ലപ്പെട്ടത്. സുള്ള്യയിലെ ഐവര്‍ നാട്ടിലാണ് സംഭവം.

ഇന്ന് ഉച്ചയ്ക്ക് ജുമുഅ നിസ്‌കാരം കഴിഞ്ഞ ശേഷം പള്ളിയില്‍ നിന്നും വീട്ടിലേക്കു മടങ്ങുകയായിരുന്ന ഇസ്മായിലിനെ ഒരു സംഘം ആളുകള്‍ തടഞ്ഞു നിര്‍ത്തി വെട്ടിക്കൊലപ്പെടുത്തുകയായിരുന്നു. ഇന്നോവ കാറില്‍ വീട്ടിലേക്കു പോകുന്നതിനിടെ ഐവര്‍ നാട്ടില്‍ വച്ച് അക്രമിസംഘം വാഹനം തടഞ്ഞു നിര്‍ത്തിയാണ് ഇസ്മായിലിനെ വെട്ടിക്കൊലപ്പെടുത്തിയത്. സംഭവറിഞ്ഞു ബെള്ളാറെ പൊലിസ് സ്ഥലത്തെത്തി അന്വേഷണം തുടങ്ങി.