ന്യൂയോര്‍ക്ക്: അജ്ഞാത വാഹനം പാര്‍ക്ക് ചെയ്ത നിലയില്‍ കണ്ടെത്തിയതിനെ തുടര്‍ന്ന് ന്യൂയോര്‍ക്ക് വിമാനത്താവളത്തിലെ ടെര്‍മിനല്‍ മണിക്കൂറുകളോളം അടച്ചിട്ടു.
ടെര്‍മിനല്‍ ബി ആണ് അടച്ചത്. തുടര്‍ന്ന് യാത്രക്കാരെ ഒഴിപ്പിച്ചു. പ്രാദേശിക സമയം രാത്രി 11 ഓടെയായിരുന്നു സംഭവം. ടെര്‍മിനലിനു സമീപം ട്രക്ക് പാര്‍ക്ക് ചെയ്തുവെന്നാണ് ആദ്യ റിപ്പോര്‍ട്ടുകള്‍ പുറത്തുവന്നത്.
യാത്രക്കാരെ ഒഴിപ്പിച്ച ശേഷം വാഹനം നീക്കം ചെയ്തുവെന്നും ടെര്‍മിനല്‍ പ്രവര്‍ത്തനം പുനരാരംഭിച്ചതായും വിമാനത്താവള അധികൃതര്‍ അറിയിച്ചു.