പാലക്കാട്: പാലക്കാട്, ആലത്തൂര്‍, ചിറ്റൂര്‍, ശ്രീകൃഷ്ണപുരം, പട്ടാമ്പി, മലമ്പുഴ ബ്ലോക്ക് പ്രദേശങ്ങളില്‍ രാത്രികാല അടിയന്തിര മൃഗചികില്‍സ നല്‍കുന്ന വെറ്ററിനറി സര്‍ജന്മാരുടെ സഹായത്തിനായി അറ്റന്‍ഡര്‍മാരെ നിയമിക്കുന്നു.
കൂടിക്കാഴ്ച സെപ്റ്റംബര്‍ 27 രാവിലെ 11 ന് ജില്ലാ മൃഗസംരക്ഷണ ഓഫിസറുടെ ചേംബറില്‍ നടക്കും. 179 ദിവസത്തേയ്ക്കാണ് നിയമനം. താല്പര്യമുള്ളവര്‍ യോഗ്യതാ സാക്ഷ്യപത്രം, ജന തിയ്യതി തെളിയിക്കുന്നതിനുളള രേഖകള്‍ സഹിതം ഹാജരാകണം. അതത് ബ്ലോക്കുകളിലെ സ്ഥിരതാമസക്കാരാവണം അപേക്ഷകര്‍. തിരഞ്ഞെടുക്കപ്പെടുന്നവര്‍ ബന്ധപ്പെട്ട ബ്ലോക്കിലെ മൃഗാശുപത്രികളില്‍ വൈകുന്നേരം ആറു മുതല്‍ പിറ്റേന്ന് രാവിലെ ആറു വരെ സേവനമനുഷ്ഠിക്കണം. 350 രൂപയാണ് ദിവസവേതനം.