തൃശൂര്‍: എ.ഐ.വൈ.എഫ് തൃശൂര്‍ ജില്ലാ സമ്മേളനത്തോടനുബന്ധിച്ചുള്ള യുവജന റാലിയും പൊതുസമ്മേളനവും ഇന്ന് നടക്കും. വൈകീട്ട് നാല് മണിക്ക് ശക്തന്‍ നഗര്‍ ബസ് സ്റ്റാന്‍ഡ് പരിസരത്ത് നിന്ന് ആരംഭിക്കുന്ന യുവജനറാലി പട്ടാളം റോഡ്, മുന്‍സിപ്പല്‍ ഓഫിസ് റോഡ് വഴി സ്വരാജ് റൗണ്ട് ചുറ്റി വിദ്യാര്‍ഥി കോര്‍ണറില്‍ സമാപിക്കും. തുടര്‍ന്ന് നടക്കുന്ന പൊതുസമ്മേളനം സി.പി.ഐ ദേശീയ സെക്രട്ടേറിയറ്റ് അംഗം പന്ന്യന്‍ രവീന്ദ്രന്‍ ഉദ്ഘാടനം ചെയ്യും. സമ്മേളനത്തില്‍ സി.എന്‍ ജയദേവന്‍ എം.പി, മുന്‍മന്ത്രി കെ.പി രാജേന്ദ്രന്‍, കൃഷിവകുപ്പ് മന്ത്രി വി.എസ് സുനില്‍കുമാര്‍, എ.ഐ.വൈ.എഫ് സംസ്ഥാന സെക്രട്ടറി കെ.രാജന്‍ എം.എല്‍.എ, സി.പി.ഐ ജില്ലാ സെക്രട്ടറി കെ.കെ വത്സരാജ്, ടി.ആര്‍ രമേഷ്‌കുമാര്‍, പി.ബാലചന്ദ്രന്‍, ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ എന്നിവര്‍ പങ്കെടുക്കും.