ഉപ്പള: യൂത്ത്‌ലീഗ് മഞ്ചേശ്വരം മണ്ഡലം ജനറല്‍ സെക്രട്ടറി ഉപ്പളയിലെ ഗോള്‍ഡന്‍ അബ്ദുല്‍ റഹ്മാനെ മര്‍ദിച്ച കേസില്‍ കൊലക്കേസ് പ്രതിയായ യുവാവ് അറസ്റ്റില്‍. ഉപ്പള മണിമുണ്ടയിലെ ഷംസുദ്ദീനാ(27)ണ് അറസ്റ്റിലായത്. മുത്തലിബ് കൊലക്കേസിലെ പ്രതിയാണു സുദ്ദീനെന്നു പൊലിസ് പറഞ്ഞു. ഉപ്പള ടൗണില്‍ സുഹൃത്തുക്കളോടു സംസാരിച്ചു കൊണ്ടിരിക്കെയാണ് അബ്ദുല്‍ റഹ്മാനു മര്‍ദനമേറ്റത്.
ഒരു മാസം മുമ്പ് ഉപ്പള ടൗണില്‍ എച്ച്.എന്‍ ക്ലബ് പ്രവര്‍ത്തകര്‍ കഞ്ചാവ് മാഫിയക്കെതിരേ കൂട്ടായ്മ സംഘടിപ്പിച്ചിരുന്നു.
ഇതിന്റെ വൈരാഗ്യത്തിലാണ് തനിക്കെതിരേയുണ്ടായ അക്രമമെന്നു റഹ്മാന്റെ പരാതിയില്‍ പറയുന്നു.