കാലിക്കടവ്: സ്‌കൂളിലേക്കു പുറപ്പെട്ട വിദ്യാര്‍ഥിയെ കാണാതായതായി പരാതി. ചന്തേര ഗവ.യു.പി സ്‌കൂള്‍ ഏഴാം തരം വിദ്യാര്‍ഥി മുഹമ്മദ് ഷാഫിയെയാണു രണ്ടു ദിവസം മുമ്പു കാണാതായത്. ഇതു സംബന്ധിച്ചു ചന്തേര പൊലിസില്‍ പരാതി നല്‍കി. 22 നു രാവിലെ എട്ടരയോടെ വീട്ടില്‍ നിന്നു പുറപ്പെട്ടതായിരുന്നു. എന്നാല്‍ വൈകുന്നേരം വീട്ടില്‍ തിരിച്ചെത്താത്തതിനെ തുടര്‍ന്നാണ്ു പൊലിസില്‍ പരാതി നല്‍കിയത്. മുഹമ്മദ് ഷാഫി അന്നേ ദിവസം സ്‌കൂളില്‍ എത്തിയിട്ടില്ലെന്ന് അധികൃതര്‍ പറഞ്ഞു. വെള്ള ഷര്‍ട്ടും കറുത്ത പാന്റ്‌സുമായിരുന്നു ധരിച്ചിരുന്നത്. അല്‍പ്പം വിക്കുണ്ട്.