ഓമശ്ശേരി: കായിക പ്രേമികളുടെ ചിരകാലാഭിലാഷത്തിനു സാക്ഷാല്‍ക്കാരമായി മണ്ണുമണ്ണില്‍ പുഴയോരത്തെ പുറംപോക്കു ഭൂമിയില്‍ ഗ്രൗണ്ട് യാഥാര്‍ഥ്യമായി. കായികപ്രേമികളുടെ ആവശ്യപ്രകാരം ബ്ലോക്ക് പഞ്ചായത്ത് വൈസ് പ്രസിഡന്റ് സൂപ്പര്‍ അഹമ്മദ്കുട്ടി ഹാജി പ്രത്യേകം താല്‍പര്യമെടുത്താണ് ഗ്രൗണ്ടിന് കൊടുവള്ളി ബ്ലോക്ക് പഞ്ചായത്തില്‍ നിന്ന് ഫണ്ടനുവദിച്ചത്. ഗ്രൗണ്ടിന്റെ ഉദ്ഘാടനം ബ്ലോക്ക് പഞ്ചായത്ത് വൈസ് പ്രസിഡന്റ് സൂപ്പര്‍ അഹമ്മദ്കുട്ടി ഹാജി നിര്‍വഹിച്ചു. വാര്‍ഡ് മെമ്പര്‍മാരായ വസന്ത പുല്ലങ്കോട്ടുമ്മല്‍, റഫീനത്തുല്ലാ ഖാന്‍, ഓമശ്ശേരി പഞ്ചായത്ത് മുസ്‌ലിം യൂത്ത്‌ലീഗ് പ്രസിഡന്റ് സൈനുദ്ദീന്‍, മുഹമ്മദ് മാസ്റ്റര്‍ സംബന്ധിച്ചു.