കഠിനംകുളം: റോഡില്‍ അഴിഞ്ഞാടിയ മുന്നംഗസംഘം ടെക്‌നോപാര്‍ക്ക് ജീവനക്കാരന്റെ കാറിന്റെ ഗ്‌ളാസ് തല്ലിത്തകര്‍ത്തു. സംഭവവുമായി ബന്ധപ്പെട്ട് രïുപേരെ കഴക്കൂട്ടം പൊലിസ് പിടികൂടി. ഇന്നലെ ഉച്ചയ്ക്ക് ഒന്നരയോടെ മണ്‍വിള ജങ്ഷനിലാണ് സംഭവം.
 ടെക്‌നോപാര്‍ക്കിനടുത്ത് പ്രവര്‍ത്തിക്കുന്ന വൈഫൈ സൊല്യൂഷന്‍ കമ്പനിയിലെ ജീവനക്കാരനും എന്‍ജീനിയറിങ് കോളജിനടുത്ത് താമസിക്കുന്ന സുനില്‍കുമാറിന്റെ കാറിനാണ് കേടുപാട് വരുത്തിയത്. ആദ്യം കെ.എസ്.ആര്‍.സി ബസ് തടഞ്ഞ് സംഘര്‍ഷമുïാക്കിയപ്പോള്‍ ജങ്ഷനില്‍ കുരുക്ക്കൂടി പിന്നാലെവന്ന സുനില്‍കുമാര്‍ ഹോണ്‍ അടിച്ചപ്പോഴാണ് സംഘം കല്ലുമായി എത്തി കാറിന്റെ മുന്‍ ഗ്‌ളാസ് ഇടിച്ച് തകര്‍ത്തത്.  
തുടര്‍ന്ന് അക്രമത്തില്‍ ഏര്‍പ്പെട്ട അഭിജിത്തെന്ന യുവാവിനെയും പ്രായപൂര്‍ത്തിയാകാത്ത മറ്റൊരു യുവാവിനെയും സുനില്‍കുമാര്‍തന്നെ പിടികൂടി പൊലിസില്‍ ഏല്‍പ്പിക്കുകയായിരുന്നു. സംഭവത്തെ തുടര്‍ന്ന് കഴക്കൂട്ടം പൊലിസ് കേസെടുത്ത് അന്വേഷണം ആരംഭിച്ചു. പ്രധാന പ്രതിയായ ഉണ്ണിക്കുവേïി പൊലിസ് തിരച്ചില്‍ ആരംഭിച്ചു.