ആലപ്പുഴ: കേരള ഹൈക്കോടതിയുടെ കീഴിലുള്ള സംസ്ഥാന മധ്യസ്ഥ അനുരഞ്ജന കേന്ദ്രത്തിന്റെ  ആഭിമുഖ്യത്തില്‍ ആലപ്പുഴ, കോട്ടയം, ഇടുക്കി ജില്ലകളിലെ മീഡിയേറ്റര്‍മാര്‍ക്കുള്ള ഏകദിന പരിശീലന പരിപാടി ആലപ്പുഴ ഗവണ്‍മെന്റ് ഗസ്റ്റ് ഹൗസില്‍ വച്ച് ഇന്ന് (സെപ്റ്റംബര്‍ 24) രാവിലെ എട്ടു മണി മുതല്‍ നടക്കും. ഉദ്ഘാടനം ഹൈക്കോടതി ജഡ്ജി ജസ്റ്റിസ് എ.എം ഷഫീക്ക് രാവിലെ 8.45ന് ഗവണ്‍മെന്റ് ഹൗസില്‍ നിര്‍വഹിക്കും. ഹൈക്കോടതി ജഡ്ജി ജസ്റ്റിസ്  കെ.രാമകൃഷ്ണന്‍ സംബന്ധിക്കും.
ആലപ്പുഴ ജില്ലാ ജഡ്ജി ആര്‍.സുധാകരന്‍, മധ്യസ്ഥ അനുരഞ്ജന കേന്ദ്രം സംസ്ഥാന ഡയറക്ടര്‍ പി.കെ.അരവിന്ദ ബാബു, ജില്ലാ നിയമസേവന അതോറിറ്റി സെക്രട്ടറി എ.ഷാജഹാന്‍ എന്നിവരും ചടങ്ങില്‍ സംബന്ധിക്കും.