തൊടുപുഴ:  തൊടുപുഴ ബ്ലോക്ക് പഞ്ചായത്ത് പിഎംകെഎസ്‌വൈ പദ്ധതിപ്രകാരം മുട്ടം പഞ്ചായത്തിലെ തുടങ്ങനാട് നീര്‍ത്തടത്തിലെ തെരഞ്ഞെടുക്കപ്പെട്ട ഗുണഭോക്താക്കള്‍ക്ക് മുട്ടക്കോഴികളെയും കോഴിക്കൂടും വിതരണം ചെയ്തു. 10 കോഴികളും കൂടും കോഴിത്തീറ്റിയും അടങ്ങുന്ന ഒരു യൂണിറ്റ് വീതം അമ്പത് പേര്‍ക്കാണ് നല്‍കിയത്.
ബ്ലോക്ക് പഞ്ചായത്ത് പ്രസിഡന്റ് ജിമ്മി പോള്‍ ഉദ്ഘാടനം ചെയ്തു. മുട്ടം പഞ്ചായത്ത് പ്രസിഡന്റ് കുട്ടിയമ്മ മൈക്കിള്‍ അധ്യക്ഷയായി. ബ്ലോക്ക് പഞ്ചായത്ത് വൈസ് പ്രസിഡന്റ് പ്രിന്‍സി സോയി, മെമ്പര്‍മാരായ അന്നമ്മ ചെറിയാന്‍,  ജേക്കബ് മത്തായി, സതീഷ് കേശവന്‍, ജിമ്മി മറ്റത്തിപ്പാറ, കരിങ്കുന്നം പഞ്ചായത്തംഗം ദിലീപ്, ബി.ഡി.ഒ.ജി ശിശുപാലന്‍, ജോയിന്റ് ബിഡിഒ കെ ജെയ്‌മോന്‍, ബ്ലോക്ക് വനിതാ ക്ഷേമ ഓഫീസര്‍ എം.യു സലീന എന്നിവര്‍ സംസാരിച്ചു.